Aurten Espainiako estatuak Europako Batasuneko lehendakaritza eskuratuko du. Uztailaren 1ean, hain zuzen ere. Uztailaren 23an, ordea, estatuko hauteskundeak izango direnez, Europa mailan jakinmina sortu da. Lehendakaritzak Espainiarena izaten jarraituko du uztailaren 23ko hauteskundeen emaitza bat ala bestea izan, baina batzordeetan ardura izango dutenen izen abizenak alda daitezke eta horrek sortu du kezka.
Dena den, uztaileko Europako Batasuneko Nekazaritza Ministroen Kontseiluan Luis Planas izango da Espainiako estatuko ordezkaria eta hauteskundeen ondoren ere jardunean izango dena gobernu berria osatu bitartean.
